Comment le barrage massif de Mishtamishku (le castor géant) a causé la misère sur tout le territoire environnant et comment un grand chasseur, Mishtanapeu, a résolu le problème.

Tiré de l’album CBC Audio, Volume 9 : Legends of the Ilnuatsh from Mashteuiatsh, Québec / Légendes des Pekuakamiulnuatsh (Montagnais du Lac-Saint-Jean)

Transcription :
*À noter que le texte a été transcrit dans les années 2000 et que l’orthographe en Nehlueun peut être différente de celle d’aujourd’hui*

Mishtamishk^u (grand Castor)

Ume Piekuakami elut tshia ume. Ekuan nete ute tshipa teu Mishtamishk^u ka ishinikatakan. Tshipa tukunupin uitsh. Eku mak tshipa ushkutmitsheu umelu Piekuakamilu. Ume ka ishpesh kashkataukatsh ume laleu kassinu mekatsh ishinakutsh laleu. Ekuan nelu tshipa ishpesh ishapitshinum ishpesh tshi nishtaukapauetsh nelu patshian. Ekuan ne uetsh ishakuetsh aushteshish e tetaukatsh nete e lekauetsh.

Ekuan mak ne Mishtapeu nelu takushik ute. Ekuan nelu mishkuat ute itakanilu, eku mak nelu tshi nutamishkuet. Kueshtekamitatshe mak umelu man, umelu piekuakamilu. Luash ekue tapishkalitsh, apu tshi tshitutuat. Tshek ekue nipat. Ek ute nete pamishik ushkutumilu nelu tshia nete tshetshi matelimat nelu e ui ushimulitsh ne utamishkum. Ni patshiu.

Ekuan ne amishk^u tshisselimat ne, telu ne uitsheuakan ne Mishtamishk, Utsheshk^u. Ekuan nelu e natshishkuat nelu tshetshi nitu tshisselimat shash nipaukue. Ekuan ne, ne Utsheshk^u ne man kutshiupatatshe nete pessish utashtamikualitsh man nelu e pimishinalitsh nelu.

Ekuan ne ishkualitsh nipeu ne Mishtapeu. Ekue itetshe ne, ne Mishtapeu  « hehe tshika nipalu eshk^u ituetshe nelu eka ui nipat man e ashuapimat nelu utamishkum, ekuan man issemetshe ne utsheshk^u man tshia. Ekuan tutumutshe ne man kutshiupitatshe nete nelu tshek nelu ishpesh, minuatsh mishakatsh nete ne Utsheshk^u. Ekuan minuatsh kutshiupitatshet apu pitakushitsh ekue tshisselimat e nipalitsh shash. Ekue nituapimat nelu, nelu uitsheuakan mishtamishkua ne utsheshk^u. Eku itat shash nipeu iteu ekun mak nelu ekue issemet ne amishk^u nelu uapimeu shash nipalu tan mak mishta nipakupan makie.

Ashessutshenakanu ne, ne Mishtapeu nete ka nipat. Ashessutsheneu nelu katshi ashessutshenat kue pashtisset ekue mahapukut mak aishkum utamishkam. Ne e apishikushit ne, ne Mishtapeu ek mak nutem tshi ashessutshinakanu mak nelu unipatatshet kue mak shash nelu uapitameu shash ne nana kana mahapukulu utemishkum. EKute ma tshi amahipitat shash nete nitatshuneu apu uapimat shash ekuan ne amishk^u, ekuan nelu nete uiapanilitsh nete tanite itutet nelu lekatsh nelu ka utamishkumit ne amishk^u ekuan nete ute uanipat ne amishk^u.

Ek mak nelu, ekue laleupitatshe ekue pitahkutshe ne tshia ne ekue pukushtepitatsh nelu utamishkum minuatsh. Uapimeu e pekushtepilitatsh utamishkum nelu mak e mahipanilitsh nelu ushipatem utshin ashinilu kue mushumushnatat nelu nitapalitatsh nete ekuan ne mak ne ashini shatshipeu inanun nete mamitsh ashini. Ekuan nelu ka mushunatat nelu Mishtapeu nelu utamishkum apu mak nipahat kue mahapanilitsh ne kana kue uluipalitsh nete uinipekuetsh ishpesh nashueu nelu utamishkum. Apu tshi tutuat nete muk aiatsh alakashkau muk aiatsh tshishkaiashu.

Ekuan ne uil e ish tepatshimunanipan.